(Segura, 1683.10.19 – Madril, 1731.10.21)
Segurako alkatea 1707an, Yepesen erroldatu zen hurrengo urtean hara ezkondu baitzen. Madrilera aldatu zen eta han euskal merkatari aberatsekin harremanak egin zituen eta hauek sustatu zioten bizibidea. Grimaldi ministroaren babespekoa zen eta hasieran morroitzarako hartu zuen arren, Segura de la Sierrako komendadore izan zen (Jaen) 2, eta Estatuko ministro-idazkari kargua izatera iritsi zen, eta baita Ogasuneko Idazkaritzara Luis I.aren erregealdian eta Felipe V.arenean ere, hau itzuli zenean. Ripperdá baroia babestu zuen, baina gero ideiaz aldatu zen eta hura atxilotzeko agindua eman zioten.
Nazioarteko politikan nabarmendu zen, Austriaren aldeko agertu baitzen eta Ingalaterraren aurkako, nazioarteko hainbat hitzarmenetan komisionatu zela4, horien artean Vienakoa (1725), eta Ingalaterra, Frantzia eta Espainiako koroen arteko bake, batasun eta elkarrekiko defentsarako hitzarmenean —Sevillan sinatua 1729ko azaroan—, eta beste bat Sevillan sinatua 1731n5. 1725ean, Felipe V.ak Valdelaguako bizkondetza eman zion eta Bakearen markes eta lehen mailako Espainiako Handiki izendatu zuen. 1729an Santiagoren zaldunen jantzia hartu zuen eta handik urtebetera Gipuzkoako Batzar Nagusietako diputatu nagusia izan zen6.
